وزیر اعلیٰ خیبرپختونخوا کا غزہ کے مظلوموں کیلیے 10 کروڑ کی امداد کا اعلان

خیبرپختونخوا حکومت نے اسرائیلی بربریت کے شکار غزہ کے مظلوم شہریوں کیلئے 10 کروڑ کی مالی امداد کا اعلان کردیا۔

مشیراطلاعات خیبرپختونخوا بیرسٹرمحمد علی سیف نے کہا کہ وزیراعلیٰ علی امین گنڈاپور نے فلسطینیوں کیلئے 10 کروڑ روپے امداد کا اعلان کیا ہے۔

انہوں نے کہا کہ امدادی رقم سے غزہ کے فلسطینی عوام کیلئے اشیائے ضروریہ فراہم کی جائے گی۔ ان کا کہنا تھاکہ جلد فلسطینی سفیر کو دعوت دے کر امدادی رقم حوالے کی جائے گی۔

بیرسٹرسیف کا کہنا تھاکہ خیبرپختونخوا حکومت غزہ کے مظلوم فلسطینیوں کےساتھ کھڑی ہے۔