16 سال سے کم عمر بچوں کے سوشل میڈیا استعمال پر پابندی کا فیصلہ

آسٹریلیا کی حکومت نے 16 سال سے کم عمر بچوں کیلیے سوشل میڈیا کو انتہائی خطرناک قرار دیتے ہوئے اس پر پابندی لگانے کا فیصلہ کیا ہے۔

اس پابندی سے متعلق باقاعدہ اعلان وزیر اعظم انتھونی البانیز نے کیا اور بتایا کہ مجوزہ قوانین اگلے ہفتے پارلیمنٹ میں منظوری کیلیے پیش کیے جائیں گے۔

ان کا کہنا تھا کہ ان قوانین کا مقصد سوشل میڈیا کے نقصان کو کم کرنا ہے جو آسٹریلوی بچوں کو پہنچ رہا ہے۔ یہ والدین کے لیے ہے جو میری طرح ہمارے بچوں کی آن لائن حفاظت کے بارے میں پریشان ہیں۔

'میں چاہتا ہوں کہ آسٹریلوی خاندان اس حوالے سے جان لیں کہ حکومت آپ کے ساتھ ہے۔' وزیر اعظم نے مزید کہا کہ جن بچوں کو والدین کی اجازت ہو گی ان پر پابندی کا اطلاق نہیں ہو گا اور نہ ہی پہلے سے موجود بچوں پر ہوگا۔