سعودی عرب، واٹس ایپ کالنگ پر سے پابندی ختم

سعودی عرب میں گزشتہ 6 سال سے عائد واٹس ایپ آڈیو اور ویڈیو کالنگ ہر پابندی اچانک ختم کردی گئی یے۔

 واٹس ایپ کے بہت سے صارفین نے اطلاع دی ہے کہ ایپ کا وائس اور ویڈیو کالنگ فیچر برسوں کی پابندیوں کے بعد فعال کردیا گیا ہے۔

اس حوالے سے کوئی باضابطہ اعلان نہیں کیا گیا تاہم بڑے نشریاتی اداروں نے بھی خبر کی صورت میں تصدیق کی ہے۔

ٹیکنالوجی کے ماہر عبداللہ الصبیعی نے کہا کہ یہ اقدام ٹیلی کمیونیکیشن اور ڈیجیٹل انفراسٹرکچر کو فروغ دینے کے لیے سعودی عرب کی کوششوں سے ہم آہنگ ہے اور ممکنہ طور پر صارفین کے لیے مواصلات کو بہتر بنائے گا۔

واضح رہے کہ دنیا کی سب سے زیادہ استعمال ہونے والی میسجنگ ایپ واٹس ایپ نے 2015 میں وائس کالز اور 2016 میں ویڈیو کالز متعارف کرائی تھیں اور سعودی عرب میں ان فیچرز پر پابندی 2019 میں عائد کی گئی تھی۔

تاہم سعودی عرب میں ریگولیٹری پالیسیوں کی وجہ سے ان فیچرز کو بلاک کیا گیا تھا تاہم وہاں جانے والے غیر قانونی طریقہ اختیار کر کے وی پی این کی مدد سے کالنگ کرتے تھے۔