بنوں سے مسلح افراد 7 پولیس اہلکاروں کو اغوا کر کے لے گئے

خیبرپختونخوا کے ضلع بنوں سے نامعلوم مسلح افراد 7 پولیس اہلکاروں کو اسلحہ سمیت اغوا کر کے اپنے ہمراہ لے گئے ہیں۔

بنوں کے ضلعی پولیس افسر نے 7 پولیس اہلکاروں کے اغوا کی تصدیق کرتے ہوئے بتایا کہ اتمانزئی سب ڈویژن سے نامعلوم افراد نے 7 پولیس اہلکار کو اسلحہ سمیت اغواء کرلیا۔

انہوں نے بتایا کہ مسلح افراد نے چیک پوسٹ پر دھاوا بولا اور قبضہ کرنے کے بعد پولیس اہلکاروں کو یرغمال بنا کر اپنے ساتھ پہاڑی علاقے میں لے گئے ہیں۔

ڈی پی او کے مطابق واقعہ بنوں کے دور افتادہ پہاڑی علاقہ اتمانزئی سب ڈویژن میں پیش آیا ہے۔ جس کے بعد پولیس نے علاقے کو گھیرے میں لے کر سرچ آپریشن شروع کردیا ہے اور مغویوں کی تلاش جاری ہے۔