بابر اعظم کی ٹیم میں واپسی کارکردگی بہتر بنانے سے مشروط

بابر اعظم کی ٹیم میں واپسی کیلیے کارکردگی بہتر بنانے کی شرط رکھ دی گئی ہے۔

قومی ٹیم کے ہیڈ کوچ مائیک ہیڈن سابق پاکستانی کپتان بابر اعظم کو مشورہ دیا گیا ہے کہ اگر وہ قومی ٹی ٹوئنٹی ٹیم میں جگہ دوبارہ حاصل کرنا چاہتے ہیں تو انہیں اسپن کے خلاف بیٹنگ اور اپنی اسٹرائیک ریٹ کو بہتر کرنے کی ضرورت ہے۔

بابر اعظم پاکستان کی ٹیسٹ اور ون ڈے ٹیموں کے اہم کھلاڑی ہیں، گزشتہ سال جنوبی افریقہ کے دورے کے بعد سے ٹی ٹوئنٹی سے باہر ہیں۔

30 سالہ کھلاڑی کو اگلے ماہ ایشیا کپ کے لیے اسکواڈ سے بھی باہر رکھا گیا، جہاں سلیکٹرز نے صاحبزادہ فرحان سمیت ابھرتے ہوئے ٹیلنٹ کو موقع دینے کا فیصلہ کیا۔

ہیسن نے رائٹرز کے حوالے سے کہا کہ "بابر سے کہا گیا ہے کہ وہ مخصوص شعبوں پر کام کریں، خاص طور پر اسپن کے خلاف اپنے انداز اور اسٹرائیک ریٹ کو بہتر بنائیں۔" ان کی ٹی ٹوئنٹی انٹرنیشنل اسٹرائیک ریٹ 129 ہے۔

انہوں نے مزید کہا، "وہ سخت محنت کر رہے ہیں، لیکن فی الحال ہمارے موجودہ کھلاڑی شاندار کارکردگی دکھا رہے ہیں۔ مثال کے طور پر، فرحان نے چھ میچز کھیلے اور تین پلیئر آف دی میچ ایوارڈز حاصل کیے۔"

ہیسن نے تجویز دی کہ بابر غیر ملکی فرنچائز کرکٹ کا استعمال کر کے اپنی مختصر فارمیٹ کی بیٹنگ کو بہتر بنائیں۔

انہوں نے کہا، "بگ بیش لیگ انہیں ان شعبوں میں ترقی دکھانے کا موقع دیتی ہے۔ ان جیسے عظیم کھلاڑی ہمیشہ زیر غور رہتے ہیں، لیکن انہیں ٹی ٹوئنٹی کرکٹ کے تقاضوں کے مطابق خود کو ڈھالنا ہوگا۔"

پاکستان اپنی ایشیا کپ مہم کا آغاز 12 ستمبر کو دبئی میں عمان کے خلاف کرے گا، اس کے بعد دو دن بعد روایتی حریف بھارت سے مقابلہ ہوگا۔