چیمپئنز ٹرافی کے لیے پاکستان کے 15 رکنی اسکواڈ کا اعلان

آئی سی سی چیمپئنز ٹرافی کے لیے پاکستانی ٹیم کے 15 رکنی اسکواڈ کا اعلان کردیا گیا۔

آئی سی سی چیمپئنز ٹرافی کے لیے قومی ٹیم کی کپتانی کے فرائض محمد رضوان انجام دیں گے، جبکہ فخر زمان، خوشدل شاہ، سعود شکیل اور فہیم اشرف کی ٹیم میں واپسی ہوئی ہے۔

قومی ٹیم کے اسکواڈ میں نائب کپتان سلمان علی آغا، بابر اعظم، کامران غلام، طیب طاہر شامل ہیں۔ اس کے علاوہ عثمان خان، اسپنر ابرار احمد، حارث رف، محمد حسنین، نسیم شاہ، شاہین شاہ آفریدی بھی ٹیم کا حصہ ہیں۔

جنوبی افریقا اور نیوزی لینڈکے خلاف سہ فریقی ون ڈے سیریز میں بھی یہی ٹیم ہوگی۔

سلیکٹر اسد شفیق کے مطابق فخر زمان کے اوپننگ پارٹنر بابر اعظم یا سعود شکیل ہوسکتے ہیں، ہوم کنڈیشنز میں عمدہ کارکردگی کے حامل کرکٹرز کا سلیکشن کیا گیا ہے۔

انہوں نے کہا کہ اندازہ ہے صائم ایوب کے لیے چیمپئنز ٹرافی نہ کھیلنا کتنا تکلیف دہ ہے، ہم جلد بازی میں کوئی بھی فیصلہ نہیں کرنا چاہتے۔