فوج میں جانے کی خواہش تھی، عمران خان نہ ہوتے تو کرکٹ میں نہیں آتا، شاہد آفریدی

قومی کرکٹ ٹیم کے سابق کپتان شاہد خان آفریدی نے کہا ہے کہ وہ فوج میں جانے کے شوقین تھے مگر عمران خان سے متاثر ہوکر کرکٹر بنے۔

تفصیلات کے مطابق کراچی کے آرٹس کونسل میں جاری 17ویں اردو کانفرنس اور جشن کراچی میں خصوصی سیشن سے خطاب میں آفریدی نے نجی اور کرکٹ معاملات پر گفتگو کی۔

انہوں نے کہا کہ میں فوج میں جانے کا شوقین تھا اور پھر عمران خان کو دیکھ کر متاثر ہوکر کرکٹر بنا۔ شاہد آفریدی نے بتایا کہ کرکٹ کی وجہ سے والدین اور ڈانٹ اور مار بھی کھائی۔

شاہد آفریدی نے کہا کہ یہ بالکل سچ ہے کہ عمران خان نہ ہوتے تو میں کرکٹر نہیں بنتا اور پھر فوج میں ہی جاتا۔