پاک آسٹریلیا ون ڈے اور ٹی 20 کرکٹ سیریز کا اعلان

آسٹریلیا نے پاکستان کیخلاف ون ڈے اور ٹی20 سیریز کا شیڈول جاری کردیا۔

تفصیلات کے مطابق آسٹریلوی کرکٹ بورڈ کی جانب سے جاری شیڈول میں بتایا گیا ہے کہ دونوں ٹیمیں رواں سال نومبر میں مد مقابل آئیں گی۔

سیریز میں تین ون ڈے اور تین ٹی 20 میچز کھیلے جائیں گے، پہلا میچ میلبرن میں چار نومبر، دوسرا ایڈیلیڈ میں 8 نومبر جبکہ تیسرا پرتھ میں دس نومبر کو کھیلا جائے گا۔

شیڈول کے مطابق ٹی20 کا پہلا میچ برسبین میں 14 نومبر، سڈنی میں 16 اور آخری میچ ہوبارٹ میں 18 نومبر کو کھیلا جائے گا۔