سابق کپتان کو گھر میں گھس کر گولیاں مار کر قتل کردیا گیا

سری لنکا کی ٹیم کے سابق کپتان اور بہترین آل راؤنڈر کو نامعلوم مسلح افراد نے گھر میں گھس کر فائرنگ کر کے قتل کردیا۔

تفصیلات کے مطابق سری لنکا کے انڈر-19 ٹیم کے کپتان دھمیکا نروشنا کو رات گئے مبینہ طور پر گولی مار کر ہلاک کردیا گیا۔

دھمیکا نروشنا کو امبالنگوڈا میں ان کی رہائش گاہ میں گھس کر قتل کیا گیا جہاں وہ اپنی اہلیہ اور دو بچوں کے ساتھ مقیم تھے۔

پولیس کے مطابق نروشنا کو چار گولیاں ماری گئیں جبکہ واردات میں 12 بور کا پستول استعمال ہوا ہے۔

دھمیکا نروشنا کو سری لنکا کے بہترین آل راونڈرز میں شمار کیا جاتا تھا، انہوں نے لنکن ٹائیگرز کے نامور کرکٹرز پرویز معروف، اینجلو میتھیوز، اپل تھرنگا جیسے نامی کرکٹرز کیساتھ بھی کھیلا ہے۔