سدرہ امین کو شاندار بیٹنگ پرفارمنس پر سووینئر پیش کردیا گیا

کراچی : پاکستان ویمنز کرکٹ ٹیم کی سدرہ امین کو شاندار بیٹنگ پرفارمنس پر سووینئر پیش کردیا گیا۔

سدرہ امین کو ایک روزہ کرکٹ میں 2 ہزار رنز مکمل کرنے پر ٹیم کے ہیڈ کوچ محمد وسیم نے سووینئر پیش کیا۔ویمن کرکٹر نے پاکستان کے دورے پر آئی ساؤتھ افریقا کی ویمنز ٹیم کے خلاف پہلے ایک روزہ میچ میں 2 ہزار رنز مکمل کیے تھے۔

سدرہ امین نے میچ میں 121 رنز کی ناقابل شکست اننگز کھیلی تھی اور ساوتھ افریقی بولرز کے خلاف 12 بار گیندوں کو باؤنڈری لائن کراس کرائی۔