آئی سی سی رینکنگ جاری، بابر اور رضوان کی درجہ بندی میں کمی

انٹرنیشنل کرکٹ کونسل (آئی سی سی) نے ون ڈے، ٹی 20 اور ٹیسٹ پلیئرز کی نئی رینکنگ جاری کردی۔

آئی سی سی کی جانب سے جاری ٹیسٹ رینکنگ میں انگلینڈ کے جو روٹ کی پہلی پوزیشن برقرار ہے ہے جبکہ محمد رضوان اور بابر اعظم نے بالترتیب 16ویں اور 19ویں پوزیشن پر جگہ مستحکم رکھی۔

آسٹریلیا کے اسٹیو اسمتھ 3 درجے ترقی کے بعد 5 ویں، سری لنکا کے کمیندو مینڈس 1 درجے ترقی کے ساتھ 6 ، آسٹریلیا کے عثمان خواجہ 6 درجے ترقی کے بعد 11 ویں نمبر پر آگئے ہیں۔

رینکنگ کے مطابق بہترین بولرز کی فہرست میں پاکستان کے بولر نعمان علی 5 ویں نمبر پر موجود ہیں۔

بھارت کے جسپریت بمرا کی پہلی پوزیشن برقرار ہے جبکہ آسٹریلیا کے نیتھن لائن 2 درجے ترقی کے بعد 6 نمبر پر آ گئے ہیں۔

رینکنگ کے مطابق  بہترین آل راؤنڈرز میں رویندرا جڈیجا کا پہلا نمبر برقرار ہے۔

ٹی 20 پلیئرز رینکنگ

رینکنگ کے مطابق قومی کرکٹر بابر اعظم 1 درجے تنزلی کے بعد 7 ویں نمبر پر جبکہ محمد رضوان 1 درجے تنزلی کے بعد 9 ویں نمبر پر چلے گئے ہیں۔

ٹی 20 فارمیٹ کے بہترین بلے بازوں کی فہرست میں آسٹریلیا کے ٹریوس ہیڈ کی پہلی پوزیشن برقرار ہے، بھارت کے ابھیشک شرما لمبی چھلانگ لگا کر 38 درجے ترقی کے بعد 2 نمبر پر آگئے ہیں۔ رینکنگ کے مطابق ٹی 20 فارمیٹ کے 10 بہترین بولرز کی فہرست میں پاکستان کا کوئی کھلاڑی شامل نہیں۔

ویسٹ انڈیز کے عقیل حسین 1 درجے ترقی کے بعد دوبارہ نمبر ون بولر بن گئے ہیں، انگلینڈ کے عادل رشید 1 درجے تنزلی کے بعد دوسرے نمبر پر آگئے۔

رینکنگ کے مطابق بھارت کے ورن چکرورتھی 3 درجے ترقی کے بعد تیسرے نمبر پر آگئے جبکہ بھارت کے روی بشنوئی 4 درجے ترقی کے بعد 6 نمبر پر آگئے ہیں۔

رینکنگ کے مطابق ٹی 20 فارمیٹ کے بہترین آل راؤنڈرز  کی فہرست میں بھارت کے ہاردیک پانڈیا پہلے نمبر پر موجود ہیں۔