ایشیا کپ 2025، بھارت کا پاکستان کیخلاف ٹاس جیت کر پہلے فیلڈنگ کا فیصلہ

دبئی میں ہونے والے ایشیا کپ ٹی ٹوئنٹی کے سپر فور مرحلے کے دوسرے میچ میں  بھارت نے پاکستان کے خلاف ٹاس جیت کر پہلے پاکستان کو بیٹنگ کی دعوت دی۔

پاکستان کی پہلی وکٹ 21 رنز پر گری جب فخر زمان  15 رنز بنا کر آؤٹ ہوگئے۔

صاحبزادہ فرحان نے 10 اوور کی تیسری گیند پر پٹیل کو چھکا لگا کر 36 گیندوں پر 3 چھکوں اور 5 چوکوں کی مدد سے نصف سنچری مکمل کی۔

پاکستان نے 100 رنز 11.2 اوور میں دو وکٹوں کے نقصان پر مکمل کئے، جبکہ پاکستان کی تیسری وکٹ 14ویں اوور کی پہلی گیند پر گری، جب حسین طلعت وکٹ کے پیچھے کیچ آٹ ہوکر روانہ ہوئے۔

چوتھی وکٹ صاحبزادہ فرحان کی گری ، وہ 58 رنز بنا کر پویلین لوٹ گئے، یوں پاکستان کے 115 پر چار کھلاڑی آؤٹ ہوگئے۔

ایشیا کپ میں آج پاک بھارت ٹاکرا دبئی انٹرنیشنل اسٹیڈیم میں ہو رہا ہے، اینڈی پائی کرافٹ میچ کے ریفری کے فرائض انجام دے رہے ہیں۔

ہینڈ شیک کا تنازع اور میچ کے بعد بھارتی کپتان سوریا کمار یادیو کے سیاسی بیان کی وجہ سے دونوں ممالک کے درمیان کشیدہ ماحول مزید خراب ہوچکا ہے۔

واضح رہے کہ گروپ میچ میں پاکستان کو بھارت نے 7 وکٹ سے شکست دی تھی۔