ایشیاء کپ 2025، پاکستان بنگلا دیش کو شکست دیکر فائنل میں پہنچ گیا

دبئی: ایشیا کپ ٹی ٹوئنٹی کے سپر 4 مرحلے کے اہم میچ میں پاکستان نے بنگلا دیش کو 11 رنز سے شکست دیکر فائنل کے لئے کوالیفائی کرلیا۔

پاکستان کے 136 رنز کے ہدف کے تعاقب میں بنگلادیش کی ٹیم مقررہ اوورز 20 میں 9 وکٹوں پر 124 رنز بناسکی۔

دبئی میں کھیلے جارہے میچ میں قومی ٹیم نے مقررہ 20 اوورز میں 8 وکٹوں کے نقصان پر 135رنز بنائے۔ محمد حارث 31 اور محمد نواز 25 رنز بناکر نمایاں رہے۔

پاکستان کا ٹاپ آرڈر بنگلادیش کے خلاف ناکام رہا اور ایک کے بعد ایک بلے باز پویلین لوٹتا رہا، 49کے مجموعی اسکور پر آدھی ٹیم پویلین لوٹ چکی تھی۔

اوپنر صاحبزادہ فرحان 4 اور صائم ایوب ایک بار پھر صفر پر پویلین لوٹ گئے، صائم ایشیا کپ 2025 میں چوتھی بار صفر پر آٹ ہوئے۔

پاکستا کی تیسری وکٹ فخر زمان کی صورت میں گری ،وہ بھی 13 رنز پر چلتے بنے، جبکہ حسین طلعت صرف 3 رنز پر آٹ ہوئے۔

پاکستان کی پانچویں وکٹ کپتان سلمان علی آغا کی صورت میں گری، وہ 19 رنز بناکر پویلین لوٹ گئے۔ اس کے بعد شاہین آفریدی 19،محمد حارث 31 اور محمد نواز 25 رنز بناکر آٹ ہوئے۔

واضح رہے کہ بھارت پہلے ہی ایشیا کپ کے فائنل کیلئے کوالیفائی کرچکا ہے۔آج جو ٹیم میچ جیتے گی وہ اتوار کو ایشیا کپ کے فائنل میں بھارت کا سامنا کرے گی۔