کمبھ میلے آنے والے 15 افراد ریلوے اسٹیشن پر کچل کر ہلاک

نئی دلی کے مرکزی ریلوے اسٹیشن پر ہونے والی بھگدڑ میں 15 افراد کی موت کی المناک خبر سامنے آئی ہے۔

 بھارتی میڈیا کے مطابق، ہلاک ہونے والوں میں 10 خواتین اور 3 بچے شامل ہیں، مرنے والے تمام لوگ کمبھ میلے میں شرکت کے بعد اپنے گھروں کو جارہے تھے۔

واقعہ اس وقت پیش آیا جب ایک پلیٹ فارم پر موجود مسافروں پر دوسرے پلیٹ فارم سے آنے والے مسافروں کا رش ٹوٹ پڑا، جس کے نتیجے میں بھگدڑ مچ گئی۔

 ریلوے حکام نے فوری طور پر واقعے کی انکوائری کا حکم جاری کیا ہے۔ بھارتی وزیراعظم نریندر مودی نے بھی اس حادثے پر گہرے رنج و افسوس کا اظہار کیا ہے۔  

میڈیا رپورٹس کے مطابق ریلوے اسٹیشن پر مذہبی تہوار "کمبھ میلے" کے باعث بے پناہ رش تھا، جس کی وجہ سے المناک حادثہ پیش آیا کیونکہ ہر شخص ٹرین مین سوار ہونے کا خواہش مند تھا۔