ٹرمپ کا بیان غیر ذمے دارانہ اور اشتعال انگیز ہے، ایران کا سلامتی کونسل کو خط

تہران: ایران نے عالمی سلامتی کونسل کو آگاہ کیا ہے کہ صدر ڈونلڈ ٹرمپ اور دیگر امریکی عہدے داران نے غیر ذمے دارانہ اور اشتعال انگیز بیانات میں ایران پر بے بنیاد الزامات عائد کیے۔

غیر ملکی ذرائع ابلاغ کے مطابق ایران کا کہنا تھا کہ امریکا نے تہران کے خلاف طاقت کے استعمال کی دھمکی دی۔

میڈیارپورٹس کے مطابق اقوام متحدہ میں ایران کے سفیر امیر سعید اروانی نے سلامتی کونسل کے نام لکھے گئے خط میں کہا کہ ایران ، یمن میں ہتھیاروں کی پابندی سے متعلق سلامتی کونسل کی قرار دادوں کی خلاف ورزی یا خطے میں عدم استحکام کی کسی بھی سرگرمی میں ملوث ہونے کے کسی بھی الزام کو یکسر مسترد کرتا ہے۔