عمران خان اور بشری بی بی کو نیب نے نئے کیس میں گرفتار کرلیا

قومی احتساب بیورو نے کرپشن کے نئے ریفرنس میں بشری بی بی اور عمران خان کو گرفتار کرلیا۔

نیب کے اسسٹنٹ ڈائریکٹر محسن ہارون کی سربراہی میں ٹیم نے اڈیالہ جیل پہنچ کر کاغذی کارروائی مکمل کی اور کرپشن کے نئے ریفرنس میں عمران خان و بشری بی بی کو گرفتار کرلیا۔ دونوں کو گرفتاری کے بعد اڈیالہ جیل میں ہی رکھا جائے گا۔

نیب کے مطابق بانی پی ٹی آئی اور بشری بی بی کو نئے توشہ خانہ ریفرنس میں گرفتار کیا گیا ہے، بطور وزیراعظم اور ان کی اہلیہ نے توشہ خانہ سے تحائف حاصل کیے۔ الزام ہے کہ تحائف کم قیمت پر حاصل کرکے مہنگے داموں فروخت کردئیے۔