وزیراعظم نے عید الفطر پر چار چھٹیوں کی منظوری دیدی

وفاقی حکومت نے عیدالفظر کی تعطیلات کا اعلان کر دیا،وزیراعظم نے چار چھٹیوں کی منظوری دے دی۔

ذرائع کے مطابق عیدالفطر کی تعطیلات 10 اپریل بروز بدھ سے 13 اپریل بروز ہفتے تک ہوں گی۔ یاد رہے کہ محکمہ موسمیات نے 9 اپریل کو شوال کا چاند نظر آنے کے امکانات ظاہر کیے ہیں۔

عید الفطر کے چاند کے حوالے سے پیشگوئی کرتے ہوئے محکمہ موسمیات نے کہا ہے کہ نئے چاند کی پیدائش 8 اپریل کو رات 11 بج کر 21 منٹ پر ہوگی اور 9 اپریل کو چاند نظر آنے کے واضح امکانات موجود ہیں۔