عماد وسیم نے ریٹائرمنٹ واپس لینے کا اعلان کردیا

پاکستان کے سپر اسٹار آل راؤنڈر کرکٹر عماد وسیم نے اپنی ریٹائرمنٹ واپس لینے کا اعلان کردیا۔

سوشل میڈیا پر جاری اپنے پیغام میں عماد وسیم نے کہا کہ مجھے یہ اعلان کرتے ہوئے خوشی محسوس ہو رہی ہے کہ پی سی بی آفیشلز سے ملاقات کے بعد ریٹائرمنٹ پر دوبارہ غور کیااور میں اپنی دستیابی کا اعلان کرتا ہوں، میں پاکستان ٹیم کے لیے دستیاب ہوں گا۔

عماد وسیم کا کہنا تھا کہ میں پاکستان ٹی20 اسکواڈ کے لیے دستیاب ہوں جو اس وقت ٹی20 ورلڈکپ کی طرف گامزن ہے۔

انہوں نے کہا کہ ملک کے لیے اعزازات لانے کے لیے اپنا بہترین کھیل پیش کروں گا۔آل راؤنڈر نے پی سی بی کا شکریہ ادا کرتے ہوئے کہا کہ پاکستان ہمیشہ پہلے آتا ہے۔